Leiðsögunám á háskólastigi - einnig kennt í fjarnámi

Leiðsögunám á háskólastigi er þriggja missera námsbraut fyrir þá sem vilja búa sig undir starf leiðsögumanns á Íslandi. Námið býðst hvort sem er í staðnámi eða fjarnámi. 

Kynningarfundur miðvikudaginn 30. maí kl. 17:15 að Dunhaga 7
Umsóknarfrestur er til 4. júní 2012.

Námið er viðurkennt sem aukagrein með ferðamálafræði svo og í eftirfarandi deildum á hugvísindasviði Háskóla Íslands: deild erlendra tungumála, íslensku- og menningardeild og sagnfræði- og heimspekideild.

Megináhersla er lögð á hagnýta þekkingu á sviði leiðsagnar með ferðamenn. Námið er 60 eininga nám (ECTS) á grunnstigi háskóla og er kennt á þremur misserum. Kennd er ein námsgrein í senn sem lýkur með prófi og/eða verkefni áður en sú næsta hefst.

Námið miðar að því að nemendur:

- Geri sér grein fyrir eðli og starfsemi ferðaþjónustu á Íslandi, ólíkum hópum og væntingum ferðamanna, ímynd lands og þjóðar ásamt þýðingu atvinnugreinarinnar fyrir þjóðarbúið.
- Kunni skil á hlutverki og ábyrgð leiðsögumanns og þjálfist í hópstjórn og samskiptum við ferðamenn og aðila í ferðaþjónustu.
- Hafi haldgóða þekkingu á helstu þáttum náttúrufars Íslands og geti miðlað þeirri þekkingu til ferðamanna.
- Þekki sögu og menningu Íslands ásamt þróun íslensks samfélags og geti miðlað helstu þáttum til ferðamanna.
- Þjálfist í skipulagðri miðlun fróðleiks við hæfi á völdu tungumáli og öðlist um leið aukinn sérhæfðan orðaforða sem tengist sögu, menningu og náttúru Íslands.

Í lok náms fá þeir nemendur sem lokið hafa öllum námskeiðum skírteini sem vottar þátttöku og frammistöðu í náminu. Leiðsögupóf frá Endurmenntun Háskóla Íslands veitir rétt á fagfélagsaðild í Félagi leiðsögumanna.


Áhugaverðir tenglar:
Myndir frá leiðsögunemum á ferð vorið 2011

Umfjöllun um leiðsögunám í Fréttablaðinu

Umsagnir fyrrum nemenda:

"Námið fór langt fram úr mínum væntingum. Kennarar voru úr
fremstu röð íslenskra fræðimanna og mátti glögglega sjá að þar
var valið af kostgæfni. Það var svo gaman að mér fannst slæmt
að missa stundum úr tíma, en það kom ekki að sök því námið er
líka kennt í fjarnámi."
- Íris Sveinsdóttir, útskrifaðist í febrúar 2010

"Fjölbreytnin í náminu er afar mikil og spannar land, sögu og
menningu frá upphafi til okkar tíma og einnig er farið vel í alla
þjóðfélagshætti."
- Ása Kristín Jóhannsdóttir, útskrifaðist í febrúar 2010

"Námið var hverrar krónu virði - verst að því skyldi ljúka."
- Finnur P. Fróðason, útskrifaðist í febrúar 2010

Nánari lýsing

Kennsla / Umsjón:

Verkefnastjóri námsins er Hulda Mjöll Hauksdóttir, netfang: hulda@hi.is sími: 525-4924







Tímabil: 4.9.2012 - 28.11.2013

Hvenær: Kennsla fer að jafnaði fram tvisvar í viku á þri. og fim. kl. 16:10-19:55. Þar fyrir utan fer fram talþjálfun í smærri hópum sem hittast reglulega á hverju misseri.

Verð: 695.000 kr.

Kennarar: